“Neftçi” U-12 Liqasında 3-cü yeri tutdu

17 iyun 2022, 13:52

“Neftçi” AFFA-nın U-12 Liqasında 3-cü yer uğrunda oyuna çıxıb. Baş məşqçi Rafail Yusifovun yetirmələri UGİŞM-1 (Sumqayıt) ilə qarşılaşıb. Hövsan FHN-nin stadionunda baş tutan görüşdə “ağ-qaralar” 7:0 hesabı ilə qalib gəlib. Qollardan 4-nü Yusif Quliyev, 3-nü isə Rəşad Şirməmmədli vurub.

Oyundan sonra keçirilən mükafatlandırma mərasimində “Neftçi”yə bürünc medallar təqdim olunub.