Məşqlərimiz bərpa olundu

“Neftçi” məşqlərini bərpa edib. “Qəbələ” üzərində 3:0 hesablı səfər qələbəsindən sonra 5 günlük istirahətə buraxılan komandamızın üzvləri bu gün “Palms Sports” Futbol Mərkəzində məşqə çıxıblar.

Baş məşqçi Yuri Vernidubun rəhbərliyi altında keçirilən hazırlıq prosesində milli komandaların düşərgəsində olan futbolçular iştirak etməyiblər. Əvəzində, B komandamızdan bir neçə oyunçu məşqə cəlb olunub.

Qeyd edək ki, “Neftçi” Misli Premyer Liqasında növbəti matçını oktyabrın 9-da “Sabah”a qarşı keçirəcək. “Palms Sports Arena”da baş tutacaq görüş saat 19:30-da start götürəcək.